天降橫財都未必是好事，有網民抱怨，接到陌生人經轉數快錯誤轉賬1萬元，對方還多次致電及發訊息要求歸還，網民不勝其擾，致電警方及親身去銀行查詢，最後由銀行之間辦理，不過網民直言對方老實不客氣，想「hea佢幾日先」。
網民在網上討論區「親子王國」發文，指清晨6時就收到陌生人來電，對方指輸入錯電話號碼入錯錢，網民透露「我即時扯火，講到我有好處咁，我即時『哦，咁我reject 個入錢』收佢線」，之後未到9時陌生人又打來，相隔2小時又打來，中間再有發訊息。
圖片來源：網絡
網民不忿，對方態度無誠意，「你入錯畀人, 咁大碼,係咪應該低聲下氣/好聲氣啲...係佢錯在先, 我要跟手尾, 講到我有著數咁，重要係咁炸我電話」，又批評「好bossy、好老馮，句sorry都無，似我求佢多啲，我條氣好唔順囉」
網民擔心是洗黑錢，所以還致電「防騙易18222」求助，「啊Sir話， 唔好再透過電話，叫我去分行辦」。網民直言「就算畀返佢，我要去銀行排餐飽...等返一頭半個鐘，先有人幫我跟，我得個吉...起碼hea佢幾日， 佢攪唔掂，我先主動聯絡銀行...我無理由請日假， 幫人跟手尾架」。
圖片來源：網絡
網民於是去了銀行一趟查詢， 「銀行叫我咩都唔洗做， 轉錢畀你個位， 自己去銀行。填表退錢！好在頭先銀行無人排， 好快問到。...佢求我一啲唔客氣，當我傻，『保障雙方』，一聽到扯火...我頭先兇佢， 你再打嚟我報案告你滋擾我， 先收手」。其後網民得悉陌生人已經聯絡對方所用銀行，經銀行之間辦理退款手續。
不過發文者的做法備受爭議，有人認同「如果佢咁無禮貌，唔洗同佢著急」、「我都試過有人入多咗錢落我戶口，打黎叫我退返完全係命令式咁，仲同我講話要指定邊間嘅銀行戶口過返比佢。呢啲人認真唔討人歡喜」、「上年12月試過，對方聲大夾惡，好似我欠佢錢咁！不停來電及WHATSAPP ，我自己打電話去Bank，先備案有不明來歴入數，一直等對方銀行聯絡我Bank，再白字黑字簽名確認扣翻條數。」
也有人批評發文者立心不良，「明知人地入錯數但唔還，就變咗偷，係刑事！」、「我都試過唔小心轉數快入錯咗號碼，過咗一萬蚊俾人，當時都好失落好驚打去銀行，銀行話我填表嘅話，都要等對方覆，最快方法都係試下搵對方。於是我whatsapp對方，好彩對方肯幫手過返俾我，勁感激...我都覺得樓主係度合理化自己唔畀返錢人，一開始又話自己reject咗過錢，跟住講講下又話要請一日假去搞，又話諗住唔過返，真多理由」。
資料來源：星島日報、親子王國
好工推介
職場熱話
- 1
- 2
-
2025全球職場八大趨勢 企業轉趨用薪酬以外誘因留人才
TOP 1 -
美國軟件工程師 年薪高達374萬港元 初級AI工程師工資 比一般高出約8.5％ 近半數香港企業 亦預計未來增聘資訊科技人手
TOP 2 -
應屆DSE考生壓力水平創5年來新高 與經濟差、擔憂就業前景有關
TOP 3 -
天文台三度發出紅雨警告 打工仔鬧爆：「又轉紅又轉黃，玩完未？」
TOP 4 -
家長快樂感遠低去年八成 職場壓力、相處時間不足為主因
TOP 5
-
綠置居2024 7.17起接受申請 九龍灣宏緻苑2576個單位 售價最平$115萬 今期仲有咩重售單位？
TOP 6 -
香港人力資源管理學會調查：7成受訪企業培訓預算 較去年跌4.3％ 73％企業允許員工使用AI 較去年略有下降
TOP 7 -
不滿求職者面試表現 HR網上爆全名公審對方 咁做隨時面臨法律風險？
TOP 8 -
宏恩春風化雨十載 畢業生在各自領域 綻放異彩
TOP 9 -
【DSE升學出路】DSE成績未如理想、澳洲也有出路
TOP 10
-
【DSE升學出路】浸大國際學院 「2+2」 無縫銜接升學
TOP 11 -
【DSE升學出路】瑞士酒店管理課程 理論＋實踐 提升軟實力
TOP 12 -
【DSE升學出路】系統培訓邊學邊做 成就年輕人為業界菁英
TOP 13 -
【DSE升學出路】修讀職業技能 移澳不二之選
TOP 14 -
【DSE升學出路】聖方濟各大學40年 致力打造職業專才 熱門之選
TOP 15
